Ei begrip oet vruiger jaore,

vandaag d'n daag vergaete.

Mit die naobersjap van doe

kènne veer òs noe neit maete.

Me hòlp zich es 't neudig waas,

in hoes en op 't veldj.

Waat waas me es gemeinsjap riek,

allein me hauw gein geldj.

Probleeme hauw me vruiger ouch,

mer ,,hulpverleners'' gouf ’t neit.

Ouch gein ,,therapie en methodieken'',

ze drouge saame leif en leid.

Me haet zich noe neit mee zoo neudig,

zelfs al sjteit me “in 't rood''.

Oos welvaart kènne veer neit misse,

al verkeert ,,welzijn'' dèks in nood!

Wiel Rouland