Vastelaovend

Langsaam begint 't bloud te kriebele,

dae sjoone tied is weier dao.

Dan viere veer drie daag vastelaovend

dat sjteit òs toch zoo nao.

 

Pekskes waere opgesjtreeke,

't maske wurt nog 'ns gepas.

Nog effe kieke in de sjpeigel

en dan begint de groote sjpas.

 

Drie daag maake veer òs laam,

me heurt zoo gout wie geine klaage.

Drie daag zònger òngerlinge sjtried,

me kènt weier get van-ein verdraage.

 

Doerde 't daoròm mer get langer,

zoo'ne daag of driehònderdviefensestig.

Dan waor 't laeve vööl aantrèkkelikker,

dan waor 't alleney neit zoo lestig!

 

Wiel Rouland


Het laatste nieuws

Belaef de Boekeriejesj

Een cultuurhistorisch festival in Schinnen en Geleen Lees verder...

Aanmelden nieuwsbrief

Schrijf u in voor de nieuwsbrief!